सारण जिला के माँझी में नॉन बैंकिंग संस्था गोल्ड माइन के आफिस के ताला कोर्ट का आदेश पर बियफे का दिने प्रशासन तूड़वा दिहलसि आ बीडीओ सूरज कुमार सिंह आ दारोगा एसएन सिन्हा अउर भिखारी राम के मौजूदगी में कार्यालय के फर्नीचर, आलमारी, कम्प्यूटर वगैरह जब्त क लिहल गइल.
आफिस के आलमारी का दराज से 2,21,120 रुपिया नगदो बरामद भइल.
करीब डेढ़ बरीस पहिले तब के बीडीओ शंभू शरण सिंह एह संस्था पर छापा मरलन त कर्मचारी आफिस छोड़ के भाग खड़ा भइलें आ एकरा के सील क दीहल रहे. जवन काल्हु अदालत से आदेश ले के खोलल गइल.
बतावल जात बा कि एह संस्था में अगल बगल के लोग करोड़ो रुपिया डलले रहल जवन डूब गइल
