पटनो में पुरान गाड़ी चलवला पर लागल रोक

प्रदूषण पर रोक लगावे खातिर बिहार सरकार पटना में पन्द्रह बरीस से अधिका पुरान डीजल गाड़ियन के चलवला पर रोक लगा दिहले बिया. एह दायरा में बहुते बस आ ट्रक आ जइहें सँ आ ओकनी के पटना का सीमा से बाहरे रोक दीहल जाई.

सुने में आवत बा कि दिल्ली सरकार का देखा देखी पटनो शहर में अलग अलग दिन जोड़ा आ फुट गाड़ियन के चले के मंजूरी दीहल जाई.

साथही मुख्यमंत्री नीतीश कुमार बिहार के सगरी शहरन में बेमतलब सायरन, हूटर आ हॉर्न बजावे पर रोक लगावे खातिर जोरदार अभियान चलावे के निर्देश अधिकारियन के दिहले बाड़न.

Loading

कुछ त कहीं......

This site uses Akismet to reduce spam. Learn how your comment data is processed.

Scroll Up