पूरा राज्य में मानसून के आवे में देरी का चलते भयंकर गरमी पड़त बा आ कई गो जिलन के प्रशासन स्कूलन के गरमी के छुट्टी एक हफ्ता बढ़ा देबे के आदेश दिहले बा. अमूमन हर साल जून का आखिर में मानसून के बरखा शुरु हो जाले बाकिर अबकी अइसन नइखे भइल, ओने राज्य सरकार के कहना बा कि मायावती सरकार का दौरान बनल पार्कन का चलते लखनऊ के तापमान चार डिग्री बढ़ गइल बा. अब जवन पार्क बनावल जाई तवना मे भरपूर हरियाली राखल जाई जेहसे कि पर्यावरण पर उल्टा असर मत पड़े.
