राबड़ी आवास के सुरक्षा पहिले जस कइलन नीतीश कुमार


पटना 12 अप्रैल (वार्ता) बिहार के मुख्यमंत्री नीतीश कुमार आदेश जारी कइलन कि मुख्यमंत्री रहल राबड़ी देवी आ जेल में बन्द चारा घोटाला के सजायाफ्ता मुजरिम लालू प्रसाद यादव के आवास के सुरक्षा पहिले जस क दीहल जाव.
कर्नाटक में जनता दल यूनाइटेड (जदयू) के कार्यक्रम में शामिल भइला का बाद पटना लवटल मुख्यमंत्री नीतीश कुमार के जब जानकारी दीहल गइल कि राबड़ी देवी अपना सुरक्षा व्यवस्था में कटौती भइला पर नाराजगी जाहिर करत चिट्ठी उनुका के लिखले बाड़ी त मुख्यमंत्री तुरते ई आदेश जारी क दिहलन.
साथ ही एह बाति पर नाराजगी जतावत अधिकारियों से रिपोर्टो मंगले बाड़न. ऊ गृह विभाग से पूछले बाड़न कि कब, काहें आ कवना स्तर पर एह दू गो मुख्यमंत्री रहल लोग के भर जिनिगी ला दीहल गइल सरकारी आवास के सुरक्षा व्यवस्था में बदलाव कइल गइल.

Loading

कुछ त कहीं......

This site uses Akismet to reduce spam. Learn how your comment data is processed.

Scroll Up