विधवा के हाथ के बनल खाना के विरोध का बाद प्रधानाध्यापिका निलंबित

गोपालगंज के जिलाधिकारी राहुल सिंह बरौली प्रखंड के कल्याणपुर मध्य विद्यालय के प्रधानाध्यापिका पुष्पा राय के निलंबित करे के आदेश जारी क दिहले बाड़न. पुष्पा राय पर आरोप बा कि स्कूल में मिड डे मील बनावे के काम एगो विधवा के हाथ से होखे के गाँव वालन के विरोध से निपटे में ऊ उदासीन रवैया देखवली आ एह विरोध के सलटावे में सक्रिय भूमिका ना देखवली. गाँव के लोग विद्यार्थियन के मिड डे मील खाए पर रोक लगा दिहले रहलें आ स्कूल में ताला मार दिहले रहलें.
बाद में जानकारी मिलल त जिलाधिकारी अपने चहुँपलन आ ओही विधवा के हाथ से बनल खाना स्कूल के सगरी विद्यार्थियन के साथ खा के विरोध खतम करवलन.

Loading

कुछ त कहीं......

This site uses Akismet to reduce spam. Learn how your comment data is processed.

Scroll Up