तरह तरह के अफवाहन से हदसल कश्मीर घाटी

by | Aug 4, 2019 | 0 comments

एने दू तीन दिन से कश्मीर के नेता लोगन के हदासे हाल बेहाल हो गइल बा. तरह तरह के अफवाह फिज़ा में पसरल बाड़ी सँ. केहू कहत बा कि कश्मीर के तिन टुकड़ा करे जात बिया मोदी सरकार. जम्मू के त पूरा राज्य के दर्जा मिली बाकिर कश्मीर आ लद्दाख के केन्द्र शासित प्रदेश बना के दिल्ली से राज चलावल जाई. दोसर अफवाह ई बा कि धारा 370 आ 35 ए के हटा दीहल जाई. केहू कहत बा कि गुलाम कश्मीर के आजाद करावे जा रहल बिया मोदी सरकार. जेकरे मन में जवन आवत बा वइसने अफवाह उड़ा देत बा लोग.

एह अफवाहन के जोर तह अउर बढ़ि जात बा जब केन्द्र सरकार का तरफ से कवनो बयाल नइखे आवत आ राज्यपाल के बाति केहु मानत-सुनत नइखे. एह दौरान उमर अब्दुल्ला आ महबूबा मुफ्ती के छाती पीटत बयानबाजी हालात अउरी बिगड़ले जात बा.

अफवाहन के ई दौर तब शुरु भइल जब पहिले केन्द्र सरकार कश्मीर में अउऱी फोर्स भेजे के बाति कहलसि. ओकरा बाद अमरनाथ यात्रा के रोक दीहल गइल आ सभका के जल्दी से कश्मीर से निकल जाए के हुकुम हो गइल. साथही सगरी पर्यटकनो के बाहर निकल जाए के सलाह दीहल गइल बा. कश्मीर घाटी में पढ़े वाला विद्यार्थियनो के बाहर चल जाए के सलाह दीहल गइल बा.

एह सभ से सभे एह बाति पर सहमत लउकत बा कि कुछ न कुछ त होखहीं वाला बा कश्मीर में. आ जवन होखी तवन अबले ना भइल होखी. काल्हु सबेरे साढ़े नौ बजे मोदी सरकार अपना कैबिनेट के बइठक बोलवले बिया आ शायद ओकरा बाद कुछ अदाजा लाग सको.

एह हालात में कश्मीर से बाहर निकले के होड़ लागल बा आ एह आपाधापी के पूरा फायदा उठावल बाड़ी सँ हवाई कम्पनी. मनमाना भाड़ा वसूलल जा रहल बा. राहत के बाति बन के आइल बा एयर इण्डिया के एलान कि ऊ श्रीनगर से दिल्ली के किराया 6715 रुपिया से बेसी ना ली.

Loading

0 Comments

Submit a Comment

This site uses Akismet to reduce spam. Learn how your comment data is processed.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं.
यूपीआई पहचान हवे -
anjoria@uboi


सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.


अबहीं ले 10 गो भामाशाहन से कुल मिला के पाँच हजार छह सौ छियासी रुपिया के सहयोग मिलल बा.


(1)


18 जून 2023
गुमनाम भाई जी,
सहयोग राशि - एगारह सौ रुपिया


(3)


24 जून 2023
दयाशंकर तिवारी जी,
सहयोग राशि - एगारह सौ एक रुपिया


(4)

18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया


(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया


(5)

5 अगस्त 2023
रामरक्षा मिश्र विमत जी
सहयोग राशि - पाँच सौ एक रुपिया


पूरा सूची


एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.


अँजोरिया के फेसबुक पन्ना

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up