नयी दिल्ली, 22 फरवरी (वार्ता). रेल मंत्री पीयूष गोयल के कहना बा कि रेलवे अगर मंदिर के मॉडल जइसन अयोध्या टीसन बनाई त एहमें कुछऊ गलत नइखे.
पीयूष गोयन काल्हु प्रधानमंत्री के आर्थिक परिषद के चैयरमैन विवेक देवराय के किताब के हिन्दी संस्करण के विमोचन का मौका पर एगो सवाल का तवाब में ऊ बाति कहलन.
गोयल कहलन कि अयोध्या टीसन के निर्माण के अगर भगवान श्री राम के जन्मस्थान का साथे जोड़ल जा ता त एह पर केहू के आपति ना होखे के चाहीं. देश के इतिहास, धरोधर आ परंपरा के अगिला पीढ़ी ले चहुंपावे में ई रेलवे के बड़हन योगदान होखी.
जाने जोग बा कि एहसे पहिले रेल राज्यमंत्री मनोज सिन्हा कह चुकल बाड़न कि अयोध्या टीसन के नयका इमारत हूबहू राम मंदिर जइसन होखी.
