सब छँवड़ी झूमर पाड़े त लंगड़ी कहे हमहूं

by | Apr 11, 2020 | 0 comments

कांग्रेस का माथ पर साँप का तरह कुण्डली मार के बइठल सोनिया परिवार के प्रियंका गाँधी देश में बढ़िया काम करत प्रदेश सरकारन में शामिल यूपी के योगि सरकार के सलाह दिहले बाड़ी कि कोरोना के जाँट में तेजी ले आवल जाय आ अधिका से अधिका लोगन के कोरोना जाँच करावल जाव. मकसद बा कि कोरोना संक्रमित मरीजन का गिनिती में तेज इजाफा होखत लउके आ ई लोग जनता में अफरातफरी मचवा सके.

आजु जब पूरा देश कोरोना बिपति से लड़े में जुटल बा त सोनिया गाँधी, राहुल गाँधी, आ प्रियंका वाड्रा गाँधी आपन मौजुदगी देखावे जतावे के कवनो मौका छोड़ल नइखन जाहत लोग.

बाकिर एह तीन गाँधियन के मकसद बिपति से लड़े में साथ दिहला से बेसी देश में अफरातफरी मचावे के बा. कवनो ना कवनो बहाने ई लोग चाहत बा कि देश में कोरोना पसरे आ अइसन पसरे कि मोदी सरकार ओकरा के सम्हार ना पावे. तब एह लोग के मौका मिली कहे कि हमनी का त शुरुए से जाँच में तेजी ले आवे के कहत रहीं जा. एह लोग के लागत बा कि अगर कोरोना के बिपति से लड़े में देश कामयाब हो गइल त कोरोना का साथही कांग्रेसो के भविष्य खतम हो जाई.

अगर एह गाँधियन के मकसद कोरोना से लड़े के रहीत त देश में कोरोना पसारे में सबले बड़हन जरिया बनल तबिलागी जमात के मरकज का खिलाफ बयान जरुरे दिहले रहीत लोग. बाकिर जमात का खिलाफ कुछ कहे के बेंवत नइखे एह लोग के.

बिना कवनो धंधा कइले दुनिया के कुछ सबले धनी परिवारन में शामिल सोनिया परिवार कोरोना के लड़ाई में देश के साथ देबे खातिर एगो फुटही कौड़ियो नइखे निकलले अबले. हँ कांग्रेस का तरफ से कुछ पैकेट जरुर बँटववले बा लोग आ रह पैकेट पर सोनिया राहुल प्रियंका के फोटो का साथ.

देश के जनता देख रहल बिया कि कोरोना में कांग्रेस आ सोनिया गाँधी परिवार का करत बावे. आ ई राय आगे कांग्रेस के मुखाग्नि देबे में जरुरे काम आई.

साथ में दिहल फोटो में देखल जा सकेला कि कोरोना के पसार में लॉकआउट का शुरुआत का बाद से गिरावट आ रहल बा. कुल मरीजन के गिनिती त जरुर बढ़ रहल बा बाकिर ओकर पसरे के रफ्तार में कमी आइल बा. अगर बीच में तबलीगी जमात के मरकज का चलते कोरोना के बड़हन पसार ना भइल रहीत त अबले देश कोरोना पर काबू करे में बहुते आगे बढ़ि गइल रहीत. अबहियों एह जमात के लोग सरकरा आ प्रशासन से सहजोग नइखे करत.

Loading

0 Comments

Submit a Comment

This site uses Akismet to reduce spam. Learn how your comment data is processed.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं.
यूपीआई पहचान हवे -
anjoria@uboi


सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.


अबहीं ले 10 गो भामाशाहन से कुल मिला के पाँच हजार छह सौ छियासी रुपिया के सहयोग मिलल बा.


(1)


18 जून 2023
गुमनाम भाई जी,
सहयोग राशि - एगारह सौ रुपिया


(3)


24 जून 2023
दयाशंकर तिवारी जी,
सहयोग राशि - एगारह सौ एक रुपिया


(4)

18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया


(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया


(5)

5 अगस्त 2023
रामरक्षा मिश्र विमत जी
सहयोग राशि - पाँच सौ एक रुपिया


पूरा सूची


एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.


अँजोरिया के फेसबुक पन्ना

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up