सोनिया आ राहुल के सलमान खान से सिखला के जरूरत

नेशनल हेराल्ड के हजारन करोड़ के संपति महज पाँच लाख रुपिया लगा के हड़प लेबे वाला सोनिया गाँधी आ राहुल गाँधी के चाहीं कि सलमान खान से सीखो लोग जे आजु तेरह बरीस के मुकदमा झेलत बरी हो गइलन. सलमान खान ना त एकरा ला राजनैतिक भा व्यावसायिक बदला लेबे के आरोप लगवलन ना देश में असहिष्णुता बढ़े के बात कहलन, ना अपना के मुसलमान बता के लोग के रहम जीते के कोशिश कइलन.
सलमान खान अपना वकीलन के बदौलत अदालत से मनवा लिहलन कि फुटपाथ पर सूतल एगो बेकसूर के जान लेबे में उनकर हाथ ना रहुवे. हादसा के सबले बड़ गवाह आ सलमान के बाडीगार्ड रहल रविन्द्र पाटिल के बयान के हाई कोर्ट भरोसा जोग ना मनलसि. जान जाईं कि रविन्द्र पाटिल के बाद में बहुते मुफलिसी में दिन गुजारे के पड़ल आ उनकर मौतो हो गइल. हाई कोर्ट कहलसि कि प्रासिक्यूशन कवनो आरोप साबित ना करा पवलसि. जबकि निचला अदालत सलमान खान के दोषी मान के पाँच साल जेल के सजा सुनवले रहुवे.
बाकिर सोनिया आ राहुल सीधे नंगई पर उतर गइल बा लोग आ अपना सांसदन का साथे देश के संसद के कामकाज रोक दिहले बा लोग. एह लोग के कहना बा कि कवनो अपराध ला सोनिया राहुल पर मुकदमा ना चले के चाहीं. एह लोग के अदालत में हाजिर होखे के बातो कहल कांग्रेसियन खातिर ईशनिंदा से कम नइखे आ ई लोग तब ले देश ना चले दी जबले सोनिया राहुल पर से मुकदमा उठा नइखे लीहल जात.

Loading

कुछ त कहीं......

This site uses Akismet to reduce spam. Learn how your comment data is processed.

Scroll Up