वाराणसी, 12 अप्रैल (वार्ता). वाराणसी के बाबतपुर का लाल बहादुर शास्त्री अंतर्राष्ट्रीय हवाई अड्डा पर आजु दू गो आभूषण व्यवसायियन का लगे से करीब आठ किलो सोना के गहना बरामद भइल.
पुलिस सूत्र बतवलें कि आयकर विभाग के अधिकारी सूचना पा के हवाई अड्डा पर संदिग्ध यात्रियन – संदीप पारिख आ नवीन पारिख – के तलाशी लिहलें त ई सोना बरामद भइल.
राजकोट के रहे वाला ई दुनु कारोबारी निजी कंपनी के विमान से आजुए दिल्ली से वाराणसी हवाई अड्डा चहुंपल रहलें. पुलिस जब सोना के कागजात मँगलसि त ऊ लोग ना देखा सकत जवना का बाद सोना के कब्जा में ले के ओह लोग से घंचन पूछताछ कइलसि पुलिस.
