अयोध्या के चौरासी कोसी यात्रा करे पर अड़ल विहिप

by | Aug 21, 2013 | 0 comments

यूपी सरकार के मना कइला का बावजूद विहिप चौरासी कोसी परिक्रमा निकाले पर अड़ल बिया आ सपा सरकार एह मामिला में अझूरात लउकत बिया. विहिप के कार्यक्रम के आरएसएस आ भाजपा समर्थन देले बाड़ी सँ त शिवपाल सिंह आ आजम खाँ एह परिक्रमा पर रोक लगवला के जायज बतवले बाड़न. बसपा आ कांग्रेस एह मामिला में सपा के साथ खड़ा बाड़ी सँ. बाकिर चूंकि एह मुद्दा से राज्य में सांप्रदायिक ध्रुवीकरण के अनेसा बनल बा से सपा के राजनीतिक नुकसान हो सकेला. हालांकि जवना तरह से सपा खुलेआम अपना मुस्लिम वोट खातिर लागल बिया ओहसे इहो कहल जा सकेला कि सब कुछ जानत बूझत सपा सरकार एह तरह के फैसला लिहले बिया.

एक तरफ विहिप के धार्मिक कार्यक्रम पर रोक लगवलसि त दोसरा तरफ सपा सरकार एलान कइले बिया कि अबसे सरकारी योजना में कम से कम बीस फीसदी अल्पसंख्यकन के लाभ दिहल जाई.

Loading

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Scroll Up