टटका खबर, 7 फरवरी 2017, मंगल

by | Feb 7, 2017 | 0 comments


चारा घोटाला में सजा पा चुकल आ राजद गोल के अध्यक्ष लालू प्रसाद यादव यूपी विधानसभा चुनाव में काल्हु से अपना दामाद के प्रचार क के समाजवादी गोल ला प्रचार करे के शुरुआत करीहें. जान जाईं जे बिहार में लालू के गोल का साथे सरकार चलावा वाला नीतीश कुमार एह चुनाव में कवनो गोल के प्रचार ना करे के एलान कइले बाड़न.

उत्तर प्रदेश के विधानसभा चुनाव शांति से आ बिना पक्षपात के करावा खातिर केन्द्रीय बलन के 846 कंपनी के तैनाती कइल जाई. 11 फरवरी के होखे वाला 73 सीट के चुनाव में एह बल के इस्तेमाल कइल जाई. एही में कुछ कंपनियन के उत्तराखंडो भेजल जोई बाकि बाद में यूपी के तिसरका दौर के चुनाव में उत्तराखंड गइल टुकडियन के वापिस बोला लीहल जाई. एक सौ कंपनी महिला बल के रही. एकरा अलावे यूपी के सशस्त्र पुलिस – पीएसी – आ नागरिक पुलिसो के तैनाती कइल जाई.

मिर्जापुर के शहर कोतवाली इलाका में चुनार जक्शन के लगे समसपुर गांव का सोझा रेल लाइन पार करत एगो आदमी ट्रेन के चपेटा में आ के कटा गइल आ ठाँवे प ओकर मौत हो गइल.

अखिलेश अपना नया संघतिया राहुल संगे 11 फरवरी का दिने प्रधानमंत्री नरेंद्र मोदी के संसदीय क्षेत्र वाराणसी में आपन चुनावी रोड शो करीहें.

समाजवादी गोल सपा के संरक्षक मुलायम सिंह यादव के छोटकी पतोहु अपर्णा यादव अपना बयान से सगरी सपा के जान साँसत में डाल दिहले बाड़ी. सरोजनीनगर विधानसभा क्षेत्र से उम्मीदवार अपर्णा यादव सोमार का दिने दीहल एगो इंटरव्यू में कह दिहली कि आरक्षण आर्थिक आधार पर होखे के चाहीं जेहसे गरीब सवर्णो के एकर फायजा मिल सके. जाति का आधार पर दीहल जाए वाला आरक्षण खतम होखे के चाहीं.

देवरिया जिला के रामपुर कारखाना इलाका में 38 किलो गांजा बरामद करत दू गो मेहरारुवन के गिरफ्तार क लीहल गइल बा.

मऊ के मोहम्मदाबाद गोहना इलाका के करहा बाजार का नियरा सडक हादसा में मोटरसाइकिल सवार एगो नवही के मौत हो गइल. ओकरा मोटरसाइकिल के एगो ट्रक धक्का मार दिहलसि. हादसा का बाद ट्रक ड्राइवर फरार हो गइल,

मिर्जापुर के लालगंज इलाका में एगो पिकप मोटरसाइकिल के धक्का मार दिहलसि जवना से मोटरसाइकिल सवार बांमी गांव के एगो नवही के मौत हो गइल. ऊ वाराणसी में काम करत रहे आ ओहिजे जात रहल.

रोहतास जिला के डेहरी नगर इलाका के पाली रोड प एगो रेडीमेड दुकान में गाहक बनि के आइल बदमाश असलहा देखा के पचास हजार के नकदी आ कपड़ा लूट ले गइले सँ.

सोनभद्र जाला के पिपरी इलाका में भइल हादसा में खाड़पाथर रेणुकूट के रहे वाला एगो होटल मालिक के मौत हो गइल. रनटोला जंगल का लगे सामने से आवत एगो गाड़ी ओकरा मोटरसाइकिल के धक्का मार दिहलसि.

पूर्वी चंपारण जिला के मधुबन इलाका में सोमार का दिने आइल एगो बारात में खुशी में कइल फायरिंग से तीन जने घवाहिल हो गइलें.

सिवान जिला में सोमार का दिने अपराधियन के पौ बारह रहल. बसंतपुर इलाका में भोपतपुर पंचायत के मुखिया रहल मैनेजर पड़ित के धमई नदी प कोड़र पुल के नियरा गोली मार दीहल गइल. रघुनाथपुर इलाका के फुलवरिया गांव में आदमपुर के एगो शिक्षक के गोली मार दीहल गइल. दरौंदा इलाका में आजु मंगल का दिने एम.एच.नगर इलाका के पकड़ी पंचायत के मुखिया आ उनुका चचेरा भाई के गोली मार गीहल गइल. चारो जने के ठाँवे प मौत हो गइल.

Loading

0 Comments

Submit a Comment

This site uses Akismet to reduce spam. Learn how your comment data is processed.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं.
यूपीआई पहचान हवे -
anjoria@uboi


सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.


अबहीं ले 10 गो भामाशाहन से कुल मिला के पाँच हजार छह सौ छियासी रुपिया के सहयोग मिलल बा.


(1)


18 जून 2023
गुमनाम भाई जी,
सहयोग राशि - एगारह सौ रुपिया


(3)


24 जून 2023
दयाशंकर तिवारी जी,
सहयोग राशि - एगारह सौ एक रुपिया


(4)

18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया


(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया


(5)

5 अगस्त 2023
रामरक्षा मिश्र विमत जी
सहयोग राशि - पाँच सौ एक रुपिया


पूरा सूची


एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.


अँजोरिया के फेसबुक पन्ना

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up