pub-4188398704664586

पिछला सरकार घोटालन के सरकार रहल

by | May 16, 2012 | 0 comments

मंगल का दिने हज यात्रियन के लॉटरी निकाले का मौका पर उत्तरप्रदेश के मुख्यमंत्री अखिलेश यादव कहलन कि पिछला सरकार घोटालन के सरकार रहल आ ओहमें नाहियो त चालीस हजार करोड़ के घोटाला भइल बा. कहलन कि गँवे गँवे एह घोटालन के परत उघड़े लागल बा आ जल्दिए कुछ अउरी घोटाला सामने आ सकेला.

अखिलेश यादव कहलन कि चुनावे घरी ऊ अनेसा जतवले रहलन कि मायावती सरकार में बड़हन पैमाना पर घोटाला भइल बा जवन अब सही साबित होखे लागल बा. कहलन कि पिछला सरकार क दौरान एनआरएचएम घोटाला, इको पार्क घोटाला, नोएडा घोटाला, पार्क घोटाला, हाथी घोटाला समेत एक दर्जन घोटाला अबहीं ले सामने आ चुकल बा. पिछला सरकार के अनेके मंत्री एह घोटालन मे शामिल रहले जवना के अब सबूतो मिले लागल बा. कहलन कि जाँच करावल जात बा आ एहमें सनाइल लोग जल्दिये उघार कर दिहल जइहें.

Loading

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Scroll Up pub-4188398704664586