उरी में भइल आतंकी हमला में शहीद भइल दुबहड़ के क्यूराजेश यादव के पत्नी के जिनिगी मुआवजा का चलते जंजाल हो गइल बा। देवर से शादी करवावे खातिर ससुराल वाले पार्वती देवी पर दबाव डलले बाड़े। शहीद के मिलल चेक देवर अपना हाथ में रख लेले बा।
शहीद राजेश यादव के सरकार का तरफ से बीस लाख आ रसड़ा विधायक उमाशंकर सिंह का तरफ से दू लाख के चेक मिलल बा। लखनऊ में फ्लैट आ पेट्रोल पंप मिले वाला बा। एह सब के हथिया लेबे खातिर देवर के पहिले से तय शादी तूड़ के विधवा भउजाई से करवा दीहल चाहत बाड़े ससुराल वाले।
काल्हु शनिचर का दिने शहीद राजेश यादव के पत्नी पार्वती देवी के तिसरकी बेटी के जनम महिला अस्पताल में भइल बा। पार्वती देवी के अपना नइहर के लोग से मिले नइखन देत ससुराली आ घेर के रखले बाड़े।
प्रशासन फ़िलहाल एह मामिला से अनजान बा।
