बिहार के अल्पसंख्यक कल्याण आ सूचना प्रौद्योगिक विभाग के मंत्री शाहिद अली खान कहले बाड़न कि केन्द्र सरकार के चाहीं कि अलीगढ मुस्लिम विश्वविद्यालय के अल्पसंख्यक स्वरूप बहाल करे ला संसद में बिल ले आ के एकरा के अल्पसंख्यक संस्था घोषित कर देव.
शाहिद अली खान के कहना रहे कि राजनीतिक दल चुनाव का बेरा अल्पसंख्यकन से लुभावन वादा करेलें आ बाद में भुला जाले. मुसलमानन ला अलीगढ़ मुस्लिम विवि के अल्पसंख्यक स्वरूप के बहाली एगो बड़हन मसला बा सरकार के चाहीं कि पूरा देश के मुसलमानन के भावना के कद्र करे.
शाहिद अली खान इहो कहलन कि यूपीएससी परीक्षा में अरबी फारसी के फेरू शामिल कइल जाव.
(वार्ता)
