भोजपुरी एक्शन स्टार सुदीप पाण्डे आ नया चेहरा उमेश सिंह के शानदार अदाकारी से सजल भोजपुरी फिल्म हमार ललकार २५ जून के बिहार झारखण्ड के सिनेमाघरन में रिलीज होके जा रहल बा. माँ तीर्थवासी देवी इन्टरटेनमेंट का बैनर में एकरा के जी के चतुर्वेदी बनवले बाड़े आ निर्देशन के कमान अनिकेत मिश्रा सम्हरले बाड़न.
भरपूर एक्शन का साथ कई गो हैरत अंगेज दृश्यन से सजल एह फिल्म में कई तरह के सामाजिक अत्याचारन का खिलाफ आवाज उठावल गइल बा. फिल्म के मुख्य पात्रन में सुदीप पाण्डे आ उमेश सिंह के अलावा अनारा गुप्ता, प्रिया शर्मा, नीलिमा सिंह, मनोज द्विवेदी, सुनीता शर्मा, विनोद मिश्रा, जय तिलक, आ किट्टू के नाम बा.
फिल्म में मिस जम्मू रह चुकल आ विवादित नायिका अनारा गुप्ता आ उमेश सिंह पर एगो गरम गानो फिल्मावल गइल बा. फिल्म के लेखक अरवि्द तिवारी हवें आ संगीतकार अमन श्लोक.
(स्रोत : प्रशान्त निशान्त)
