अब मनु भाकर दिअवली भारत के छठवां स्वर्ण पदक
भारत के 16 बरीस के जाबांज निशानेबाज बेटी मनु भाकर शूटिंग में 240.9 अंक पा के राष्ट्रमंडल खेल के एगो नयो रिकार्डो बना दिहले बाड़ी. उनुका 10 मीटर पिस्तौल प्रतिस्पर्धा में आजु अतवार का दिने स्वर्ण पदक हासिल भइल बा.
दुहरा खुशी के बाति इहो रहल कि एह प्रतिस्पर्धा में दुसरको जगहा भारते के बेटी हीना सिधु रहली जे 234 अंक बनवली.
21वां राष्ट्रमंडल खेल में भारत के ई पहिला स्वर्ण पदक ह जवन भारोत्तोलन से फरका कवनो दोसरा खेल में मिलल बा. एह पदक का साथही भारत अबले छह गो स्वर्ण जीत चुकल.
