दक्षिणी दिल्ली बदरपुर के मीठापुर चौक पर विश्व जनसंख्या दिवस के अवसर पर लाल कला मंच के ओर से जागरुकता आ काब्य गोष्ठी के आयोजन कइल गइल. जेकर मुख्य उद्देश्य रहे जनसंख्या विस्फोट से होए वाला प्रभाव के कम करे के आ जनसंख्या के दर कइसे कम कइल जा सकेला एह पर चर्चा कइल.
लाल कला मंच के अध्यक्ष सोनू गुप्ता अतिथि के गुलदस्ता भेट कइली. गोष्ठी के अध्यक्षता बड़ समाजसेवी राजेन्द्र अग्रवाल कइले आ मुख्य अतिथि के रुप में बड़ समाजसेवी कामरेड जगदीश चंद्र शर्मा रहले. संचालन शिव प्रभाकर ओझा जी कइले.
एह अवसर पर सब कवि आ वक्ता लोग विश्व जनसंख्या दिवस के अवसर पर शपथ लेलें की तन मन कर्म आ बचन से आबादी कम करने के लिए परयास करेब जा.
काब्य गोष्ठी के शुरुआत वरिष्ठ साहित्यकार जय प्रकाश गौतम के सरस्वती वंदना से शुरु भइल. दिल्ली आ एन.सी.आर के दर्जनों कवि लोग आपन-आपन कविता के जरिये जनसंख्या कम करे आ बेटी बचाव आ बेटी पढ़ाव के साथे-साथे वीर रस के कविता से देश के भ्रष्ट नेताओं पर व्यंग कसले आ देशभक्त अमर सपूत के नमन कइले.
उपस्थित कविगण में डा.सत्य प्रकाश पाठक, डा.कृष्णानंद तिवारी, लाल बिहारी लाल कहले – आबादी रोज-रोज बढ़े लइकी पर कम होय. दिशहित समाज में यह अजब ई संकट होय. अमृता रानी, विनोद कुमार, शिव प्रभाकर ओझा, गिरि राज गिरीश, मा.कृपा शंकर, राजेन्द्र अग्रवाल, डा.के.के. तिवारी, असलम जावेद वगैरहो आपन-आपन सुमधुर कविता से समा बांध दिहले. जेह कारण पूरा सभागार तालियन के गड़गड़ाहट से गुंजत रहे.
अंत में संस्था के अध्यक्ष सोनू गुप्ता सब आइल लोग के हार्दिक धन्यवाद दिहली.
