बिग बॉस का घर में पिछला दिने मनोज तिवारी आपन एगो हिट भोजपुरी गाना “बगल वाली जान मारेली” गा के सगरी प्रतिभागियन के मनोरंजन कइलें. सबसे कमाल त ई रहल कि ओह गाना पर ऊ डॉली बिन्द्रा के नचावे में सफल रहलें.
पहिला बेर बिग बॉस का घर में कवनो भोजपुरी गाना भइल. मनोज तिवारी जब बिगबॉस का घर में जाये वाला रहलें तहियो ऊ आपन हिट फिल्म “भोजपुरिया डॉन” के गाना “हम ही हैं भोजपुरिया डॉन” गा के सलमान खान के दिल जीत लिहले रहलें
बिगबॉस का घर में रहे वाला हर शख्स से मनोज तिवारी के बढ़िया पटत बा आ उमीद बा कि अबकी के डॉन उहे बनीहे.
(स्रोत – शशिकान्त सिंह)
