आरा 28 मार्च (वार्ता). भोजपुर जिला के बिहिंया इलाका के खरौनी गांव का लगे एगो कार आ ट्रक के बीच भइल टक्कर में एगो बाराती के मौत हो गइल आ पांच जने घवाहिल हो गइलें.
पुलिस सूत्र बतावत बाड़ें कि कार पर सवार लोग उत्तर प्रदेश के दिलदार नगर में एगो बारात में शामिल होखला का बाद आरा शहर लवटत रहलें जब खरौनी गांव का नियरा एगो तेज रफ्तार ट्रक कार में टक्कर मार दिहलसि.
एह हादसा में कार पर सवार निक्की पासवान (30) के मौके पर मौत हो गइल आ पांच जने घवाहिल हो गइलें. हादसा का बाद ट्रक चालक ट्रक छोड़के फरार हो गइल.
घवाहिलन के आरा सदर अस्पताल में भरती करावल गइल बा.
