पाकिस्तान का पक्ष में बयान दे के देश भर में थू थू के सामना करत रक्षामंत्री ए के एंटोनी आजु संसद में फेर बयान दे के कहलन कि एह हमला में पाकिस्तानी सेने के हाथ रहल. एंटोनी पहिले कहले रहलें कि एह हमला में कुछ लोग पाकिस्तानी सेना के वरदी में रहल आ एह बयान के जतना तीत आलोचना सगरी देश में होखे लागल ओहसे कांग्रेसो असहज हो गइल आ हार थाक के एंटोनी के आपन बयान बदले के पड़ गइल. बाकिर अपना गलतबयानी ला एंटोनी अबहियों माफी नइखन मँगले देश से.
