आरा 16 दिसम्बर (वार्ता) उदवंतनगर इलाका के बेलाउर पंचायत के मुखिया चंपा देवी के अतवार देर रात गरदन दबा के हत्या क दीहल गइल.
पुलिस से पता चलल कि पैंतीस बरीस के चंपा देवी अपना घर में सूतल रहली जब कुछ अपराधी उनुका घर में घुस के उनकर गरदन दबा उनकर जान ले लिहले. हत्या काहे भइल से पता नइखे चलल. कहल जात बा कि जेल मे बंद दबंग अपराधी बूटन चौधरी से मुखिया चंपा देवी के करीबी नाता रहल.
पुलिस केस लिख के तहकीकात में लागल बिया.
