हाई कोर्ट के आदेश के पालन करत प्रशासन सोमार के फजीरे किरिन फूटते जेसीबी मशीन ले के लाग गइल सौ डेढ़ सौ साल से जिला परिषद के जमीन पर कब्जा जमवले मकानन के गिरावे में. देखते देखत दू तल्ला मकान धँसावे ढहावे के काम लाग गइल. पहिले विधायक रहल अमरनाथ यादव अपना समर्थकन का साथे विरोध मे मौजूद रहले बाकिर प्रशासन कवनो बात सुने के तइयार ना रहुवे. बाद में अतिक्रमण हटा के लवटत पुलिस पर लोग ढेला पत्थर से हमला कर दिहल. पुलिस के लाठी भाँजल कवनो कामे ना आइल त वज्रवाहन ले के पुलिस भाग निकलल. एक बीच लोग रेलवे परिसर हो के भागत सीओ के गाड़ी घेर के फूंक दिहल.
