काल्हु 25 तारीख से रेलवे में तत्काल टिकट के दाम में तीस फीसदी तक के बढ़ोतरी क दिहल गइल बा. रेलवे के मनसा बा कि पैसेंजरो लोग से खरचा भर भाड़ा लीहल जाव जेहसे माल ढुलाई पर भाड़ा अधिका बढ़ावे के दबाव मत बनो.
अब स्लीपर में तत्काल शुल्क कम से कम 90 का जगहा 100 रुपिया आ अधिका वाला 175 से बढ़ा के 200 रुपिया लीहल जाई.
एसी थ्री में कम से कम 300 रुपिया आ अधिका से अधिका 400 रुपिया लीहल जाई जवन पहिले 250 आ 350 रुपिया रहुवे.
एसी टू में कम से कम 300 का जगहा 400 आ अधिका से अधिका 400 का बदले 500 लीहल जाई.
तत्काल टिकटन पर दूरी का हिसाब से चार्ज लीहल जाला.
