आजमगढ़ के कोतवाली इलाका में रात में गश्त लगावत पुलिस के हर्रा इलाका में कुछ संदिग्ध लोग लउकल त सिपाही रजनीश ओकनी के पकड़े के कोशिश कइलन. एह पर बदमाश उनुका के गोली मार के भाग गइले सँ.
सिपाही के अस्पताल में भरती करावल गइल बा.
अइसने एगो घटना संत रविदास नगर में भइल जहाँ एगो औरत के सिकड़ी छीन भागत बदमाशन से मुठभेड़ में एगो सिपाही अनिल यादव बदमाशन के गोली से घवाहिल हो गइलन. दू गो बदमाशन के पकड़ लिहल गइल आ तिसरका फरार हो गइल.
अनिल यादव के अस्पताल में भरती करावल गइल बा.
(वार्ता)
