बिहार सरकार फैसला कइले बिया कि अढ़ाई सौ से अधिका आबादी वाला हर टोला आ बासगीत के सड़क से जोड़ दिआई. एह काम खाति एक लाख से अधिका टोलन आ बासगीतन के चिन्हासी हो गइल बा आ अब आगे के काम शुरू होखे वाला बा.
शहरन में सभका ला आवास योजना में गड़बड़ी रोके ला राज्य स्तरीय मूल्यांकन कमेटी बनावल गइल बा जवन स्थानीय नगर निकायन आ कार्यान्वयन एजेंसियन के पेश कइल डीपीआरन के तकनीकी आ आर्थिक मूल्यांकन करी. नगर विकास विभाग के मुख्य अभियंता के एह कमेटी के अध्यक्ष बनावल गइल बा.
