Anjoria

अनुभव नेपाल जनआन्दोलन २००६ के

काठमांडू गईनी,
मिलल काम जोड़े के कन्धी.
जोड़ते जोड़ते कन्धी,
होगईल अनिश्चित कालीन बन्दी.
सब केहू कहे
बन्दी होखे चाहे हड़ताल
ईहा काम चलेला सालोसाल.
सुन के दूर हो गईल
हमरो चिंता फिकिर आ गम
लेकिन कर्फ्यू के चलते
भितरे छूटे लागल दम.
कभी जुलुस कभी कर्फ्यू त कभी नारा.
आज खुली, बिहान खुली,
कहते कहते
पइसो ख़तम हो गईल.
ईहां एतना ना बदहाल
दुनिया भर के महँगी
कि केहू भईल कंगाल,
केहू भिखारी
त केहू जोगी.
नब्बे रुपये मट्टी तेल मिले,
अस्सी रुपये नून.
अईसनो संकट में लोग
गावे खली नेता लोग के गुण.
खूब कमइनी सिंगल,
डबल आ ट्रिपल झारी.
बाकिर
बइठ के खाते खाते
ख़तम हो गइल राशन सारी.
सांझ के सब आदमी कइलख लोग राय,
कइसहूं घर चले के
कईल जाओ हमनी कवनो उपाय.
घर लवटे खातिर ना मिलल
ना बस ना कोनो गाड़ी ना गाडा.
एगो मिलबो कइलख माइक्रो
त दिमाग ख़राब हो गइल
सुन के एक आदमी के चौदह सय भाडा.
बाकिर करतीं का,
चलहीं के पड़ल.
कमाये गइल रहीं.
करजा कमा के लवटि अइनी.

नूर आलम बादशाह,
मुकाम : कोतवाली ९, जमनिया बारा, नेपाल
हाल दोहा कतार से

email: noorzen@gmail.com

Mobile: 00974 5590258