Anjoria

हिन्दी के बिल्लो रानी बिपाशा बसु के त अपने सब देखलही होखम, अब देखीं भोजपुरिया बिल्लो रानी के. अमर देवगन बिल्लो रानी नौटंकीवाली का नाम से एगो भोजपुरी फिलिम के मुहुर्रत पिछला दिने कृष्णा स्टूडियो में कइलन. पंकज केसरी एह फिलिम के नायक बाड़े बाकि अबहीं नायिका के नाम रहस्य का पददा में बा.

फिलिम के गाना विद्या शुक्ल के लिखल बा आ संगीत होखी एसपी सेन आ चन्दा के. भोजपुरिया खलनायक अवधेश मिश्रा आ संजय पांडेय के चुनौतीपूर्ण भूमिका दिहल गइल बा. पिछला साल मुन्नी बाई नौटंकी वाली हिट रहल रहे अबकी बिल्लो रानी नौटंकी वाली ओ हिट हो जाव त अचरज ना होखे के चाहीं.

स्रोत : शशिकान्त सिंह, मुंबई. फोन: 9322411335, 9833295806