तस्वीर जिन्दगी के
(भोजपुरी गजल संग्रह)
मनोज 'भावुक'
47
हजारो गम में रहेले माई
तबो ना कुछुओ कहेले माई
हमार बबुआ फरे-फुलाये
इहे त मंतर पढेले माई
हमार कपडा, कलम आ कॉपी
सँइत-सँइत के धरेले माई
बनल रहे घर, बँटे ना आँगन
एही से सभकर सहेले माई
रहे सलामत चिराग घर के
इहे दुआ बस करेले माई
बढे उदासी हिया में जब-जब
बहुत-बहुत मन परेले माई
नजर के काँटा कहेलीं रउरा
जिगर के टुकडा कहेले माई
'मनोज' हमरा हिया में हरदम
खुदा के जइसन रहेले माई
===
< < List | <Back | Next>