अभय त्रिपाठी
रामजी के आईल बरात.
रामजी के आईल बरात जनकपुर बाजे बधऽईया,
उनकर लीला बा अपरम्पार जनकपुर बाजे बधऽइया.
राजा जनकजी के चिन्ता हरले, सियाजी के मनवा के मनसा पुरवले.
सब भईयन के कइले बेड़ा पार जनकपुर बाजे बधऽईया.
रामजी के आईल बरात..........
सब नर-नारी पशु-पक्षी प्रानी, हरषि हरषि गुन गावत जानी.
रिषी मुनियन से मिलल आशीर्वाद जनकपुर बाजे बधऽईया.
रामजी के आईल बरात..........
सगरे जनकपुर के राजदुलारी, हो गईली प्रभु राम के प्यारी.
उनकर डोली चलल ससुराल जनकपुर बाजे बधऽईया.
रामजी के आईल बरात..........
रामजी के आईल बरात जनकपुर बाजे बधऽईया,
उनकर लीला बा अपरम्पार जनकपुर बाजे बधऽइया.
मगन भईऽल मनवा
मगन भईऽल मनवा हरि गुन गाइऽब,
मगन भईऽल मनवा ...........
गंगा नहाईऽब ना तीरथ जाइऽब घरवे में हम अलख जगाईऽब,
दान पुण्य कऽ विधि ना जानी सब कुछ आपन देहि लुटाईऽब.
मगन भईऽल मनवा ...........
छल प्रपन्च से नाता तोड़ब अपना पराया भेद मिटाईऽब,
सब कर बड़ा पार लगाईऽब सबही के अपनाईऽब हो रामा.
मगन भईऽल मनवा ...........
मन्दिर मस्जिद में ना भुलाईऽब राम रहीम सब एकही मानिब,
सच्चाई के गला लगाईऽब सगरे दर्शन पाईऽब हो रामा.
मगन भईऽल मनवा ...........
भजन कर जिभिया.
भजन कर जिभिया काहे बऊरानी भजन कर जिभिया.
यह जग थोडे़ दिन कऽऽ बसेरा, रिश्ता नाता सुख सपना कऽऽ,
भ्रम टूटे बिलगानी भजन कर जिभिया काहे बऊरानी .
बालकपन में खेल में भागे बृद्ध भये तन काँपन लागे,
का करिहो अभिमानी भजन कर जिभिया काहे बऊरानी .
दिन दिन बितल जाये उमरिया समय गुजरले कुछ होईऽ न गोइयाँ,
सिर धुन धुन पछतानी भजन कर जिभिया काहे बऊरानी .
एक से बढ़कर एक गुमानी जात पात में डूबल ग्यानी,
समरथ भये अलसानी भजन कर जिभिया काहे बऊरानी .
भजन कर जिभिया काहे बऊरानी भजन कर जिभिया .
माया बा दुखदाई हो मनवा
माया बा दुखदाई हो मनवा माया बा दुखदाई,
एहि पल छीना ओहि पल दीना सदा रहे उलझाई
माया बा दुखदाई हो मनवा माया बा दुखदाई.
घर में बन में मन मन्दिर में बइऽठ के धाक जमाई,
के बा आपन के बा पराया भेद दिहि बतलाई.
माया बा दुखदाई हो मनवा माया बा दुखदाई.
बिटवा माई और बाबु से बहुते फूट कराई,
सात जनम कऽ रिश्ता भी बहुते रार मचाई.
माया बा दुखदाई हो मनवा माया बा दुखदाई.
ना कोई ले आइल बा भइया ना कोई ले जाई,
एहि से ध्यान हटा के भइया कर लऽऽ तू चतुराई.
माया बा दुखदाई हो मनवा माया बा दुखदाई.
सच बा गुरु के बचनिया
सच बा गुरु के बचनिया हो रामा जगतिया में केहु नाही अपना,
केहु नाही अपना हो सब कुछ सपना जगतिया में केहु नाही अपना.
काम नाही अइहैं धन दौलतिया ना होइहैं कोइ संगी संघतिया,
सूर, रहीम गइलैं मीरा जइसन ग्यनिया छोड़ि छोड़ि आपन निशनियाँ.
जगतिया में केहु नाही अपना.
तोहके नचावेले माया के पुतरिया ग्यान पर चलावे सगरे कटरिया,
अबहु ले सोच भइया धर के धयनवा हो जइहैं तब तोहरो ठेकनवा.
जगतिया में केहु नाही अपना.
एक दिन उड़ी जइहैं काया के सगनवा केतनो तू करबऽऽ जतनवा,
भाई बन्धु सब देखइहन नयनवा माया मिली न राम ए भइया.
जगतिया में केहु नाही अपना.
सच बा गुरु के बचनिया हो रामा जगतिया में केहु नाही अपना,
इक दिनवा पछतऽईबऽऽ हो मोरे मनवा
इक दिनवा पछतऽईबऽऽ हो मोरे मनवा इक दिनवा पछतऽईबऽऽ.
भाई बन्धु हो जइहें बेगनवा,
जरिहें अकेले तोहरो परनवा.
माटी में मिल जइबऽऽ हो मोरे मनवा इक दिनवा पछतऽईबऽऽ.
धन दौलत और छूटी भवनवाँ,
जेहि खातिर हो गईलऽऽ बेइमनवा.
कुछुओ ना रह जाई हो मोरे मनवा इक दिनवा पछतऽईबऽऽ.
लागी दरबार होखी तोहरो बयनवा,
का कहबऽऽ जब खाली बा खजनवा.
लोरऽवा खूब चूअइऽऽब हो मोरे मनवा इक दिनवा पछतऽईबऽऽ.
दीनन हीनन से न राख तू गमनवा,
तोहपे लगईऽऽहैं वार तोहरे ईमनवा.
फिर पछताई के का करबऽऽ हो मोरे मनवा इक दिनवा पछतऽईबऽऽ.
इक दिनवा पछतऽईबऽऽ हो मोरे मनवा इक दिनवा पछतऽईबऽऽ.
दशरथ के ललन रऊआ धन बानी
धन बानी धन बानी धन बानी
दशरथ के ललन रउआ धन बानी.
बक्सर जाइके ताडका मरली
रिषी मुनियन के यज्ञ करवलीं
गौतम नारी अहिल्या के तरले बानी
दशरथ के ललन रउआ धन बानी.
जाइ जनकपुर शिव धनुष के तोडली
परशुराम के मान गिरवली
सियाजी के मनसा पुरवले बानी
दशरथ के ललन रउआ धन बानी.
