गोपालगंज 14 नवम्बर (वार्ता) गोपालगंज जिला के फुलवरिया इलाका के बंसी बतराहा गांव का लगे कुछ अपराधी दू आदमी के गोली मार के घवाहिल क दिहले.
पुलिस बतावत बिया कि बतराहा गांव के संतोष कुमार आ राजन तिवारी मीरगंज बाजार से देर रात अपना घरे लवटत रहले. तबहिए पहिले से घात लगा के बइठल अपराधी ओह लोग के बंसी बतराहा गांव के नियरा गोली मार दिहले, दुनु जने घवाहिल हो के रह गइले. एकरा पीछे पहिले के दुश्मनी बतावल जात बा.
गंभीराह घवाहिल राजन तिवारी के बेहतर इलाज खातिर गोरखपुर भेजल गइल बा, संतोष के इलाज एहिजे चलत बा.
पुलिस मामिला दर्ज क के तहकीकात में लागल बिया.
0 Comments