टटका खबर, मंगल १६ नवम्बर

by | Nov 15, 2010 | 0 comments

बिहार चुनाव के आखिरी चरण में सगरी पार्टी आपन पूरा ताकत लगवली सँ
बिहार चुनाव के छठवां आ आखिरी चरण के मतदान खातिर सगरी पार्टी आपन पूरा ताकत झोंक दिहले बाड़ी सँ. कांग्रेस खातिर अबकी के चुनाव आपन हैसियत देखावे के मौका बा त लालू पासवान खातिर अस्तित्व के सवाल बा. जदयू भाजपा गठबन्हन अपना जीत खातिर निश्चिन्त बा. अब परिणाम का होई से त २६ तारीख के सामने आईये जाई. चुनाव में गपोर शंखी त चलबे करेला. अब ओकर एगो शानदार नमूना देखीं. कांग्रेस पार्टी कहत बिया कि ऊ दू तिहाई बहुमत का ओर बढ़ रहल बिया बाकिर ओकर महासचिव बी के हरि प्रसाद इहो कह दिहलन कि अग पूर्ण बहुमत ना मिलल त पार्टी विपक्ष में बइठी.

गोपालगंज में सड़क दुर्घटना में सात लोग के जान गइल
गोपालगंज के बरौली थाना का बरेया मोड़ का लगे एगो डम्फर सवारी जीप पर पलट गइल जवना से सात लोग के जान चलि गइल आ पाँच जने अउर घवाहिल हो गइलें. एगो दोसरा सड़क दुर्घटना में पश्चिमी चंपारण के वाल्मीकि थाना का इलाका में एगो बस आ मोटरसाइकिल का बीच टक्कर हो गइल जवना से मोटरसाइकिल पर सवार तीन जने के मौत हो गइल. बक्सर जिला में एगो बस पलटि गइल जवना से दू आदमी जगहे पर मर गइलें आ दू दर्जन लोग घवाहिल हो गइल. छपरा जिलाके दाउदपुर में बेलदारी का लगे एगो सड़क दुर्घटना में मोटर साइकिल सवार ओहिजे मर गइल.

कुर्बानी के पर्व बकरीद बुध का दिने
हर जगहा संवेदनशील जगहन पर शांति व्यवस्था बनवले राखे के खास कोशिश कइल जा रहल बा. बिहार में दू सौ से बेसी जगहन पर सशस्त्र बल भेजल गइल बा. ओह दिन नमाजियन के कवनो दिक्कत ना होखे एकरो खातिर प्रशासन चाक चौबन्द बा.

सँझिया के चले वाल कोर्ट से वकील लोग अलगा रही
यूपी में कुछ दिन से वकील लोग के आन्दोलन चल रहल बा. अब बिहारो में वकील लोग आन्दोलन करे का तइयारी में बा. एह लोग के शिकायत बा कि साँझ खा कोर्ट चलवला से ओह लोग के मुवक्किलन के दिक्कत होखी जे दूर दराज से आवेलें. ई केहू सलाह नइखे देत साँझ वाला कोर्ट में उहे मुकदमा लिहल जाव जवन अगल बगल के लोग के बा. वकील लोग कबो ना चाहे कि मुकदमा के फैसला जल्दी हो जाव काहे कि एहसे कानून के सही ढंग से परिभाषित करे के समय ना मिली.

यूपी का जिला पंचायत अध्यक्ष उपाध्यक्ष चुनाव में सपा पार्टी का आधार पर लड़ी
हालही में भइल पंचायती चुनाव में सपा समर्थकन के बड़हन जीत के दावा करत सपा नेता शिवपाल सिंह कहले बाड़न कि उनुकर पार्टी जिला पंचायत अध्यक्ष आ उपाध्यक्ष चुनाव में आपन उम्मीदवार खड़ा करी. बसपा एह चुनाव से अपना पार्टी के अलगा रखले बिया, बाकिर बसपाई अपना दम पर लड़े के आजाद रहलें आ बाड़े.

मंगल पाण्डेय का स्मृति में बलिया महोत्सव शुरु
सरकार के संस्कृति मंत्रालय बलिया में मंगल पाण्डेय का जन्म दिन पर बलिया महोत्सव मना रहल बा. कार्यक्रम दु दिन ले चली जवना में कई गो सांस्कृतिक कार्यक्रम के आयोजन होखी.

इंसेफलाइटिस से पाँच सौ के करीब मौत
पूर्वांचल में इंसफेलाइटिस भा दिमागी बुखार से अबले चार सौ चौरानबे लोग के मौत हो गइल बा. अबहियो करीब दू सौ मरीज इलाज खातिर अस्पतालन में भरती बाड़न. पता ना सरकारी स्वास्थ्य विभाग पाँच सौ के रिकार्ड बनवला का बाद कवनो जश्न मनाई कि ना !

सोनभद्र में डाला बाजार का लगे सड़क दुर्घटना में सात लोग के जान जाये के खबर
सोनभद्र में डाला बाजार का लगे कोयला लदल एगो ट्रक के पलटला से ओह पर सवार सात गो मजदूरन के मौत हो गइल बा आ करीब डेढ़ दर्जन लोग घवाहिल हो गइल बा.

राष्ट्रमंडल खेल आयोजन समिति के दू गो पदाधिकारी गिरफ्तार
राष्ट्रमंडल खेल आयोजन समिति में सुरेश कलमाडी के नजदीकी दू गो पदाधिकारी, टी एस दरबारी आ संजय महेन्द्रू के बेटन रिले में घोटाला के आरोप में गिरफ्तार कर लिहल गइल बा.

रतन टाटा कहलें कि एगो मंत्री के घूस ना दिहला का चलते टाटा के एयर लाइन ना शुरु हो सकल
उत्तराखंड में एगो कार्यक्रम में शामिल होखे गइल रतन टाटा एगो सवाल का जवाब में कहलें कि साल १९९५ से तीन बेर ऊ तीन गो प्रधानमंत्रियन का कार्यकाल में सिंगापुर एयरलाइन्स का साथ संयुक्त उपक्रम शुरु करे के कोशिश कइलें बाकिर हर बेर उनका से घूस माँगल गइल. एगो मंत्री सी एम इब्राहिम का विरोध का चलते सफल ना हो सकलें. बाद में एगो उद्योगपति कहलें कि आपलोग गजब के बेवकूफ हैं. मंत्री को पंद्रह करोड़ चाहिये थे और आपको दे देना चाहिये था.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up