टटका खबर, शुक, १९ नवम्बर

by | Nov 19, 2010 | 0 comments

कुर्सी का मोह में चुप बइठ के देश के लुटात देखत रहलें
ईमानदारी खातिर जानल जाये वाला प्रधानमंत्री गठबन्हन राजनीति के शिकार हो गइलें आ चुपचाप बइठ के देश के लुटात देखत रहलें. अब प्रधानमंत्री कार्यालय के कहना बा कि उनका लगे कवनो शिकायते ना रहे जवना पर कुछ करतें. या खुदा, कत्ल करते हैं और हाथ में तलवार भी नहीं ! कांग्रेस के मानना बा कि सुप्रीम कोर्ट में मामिला के सुनवाई में शामिल सरकार के प्रतिनिधि आपन काम ठीक से ना कइलें एही से प्रधानमंत्री के फजीहत हो रहल बा. मनमोहन सिंह के दुसरकी सरकार देश के सबसे भ्रष्ट सरकारन में गिनल जाई. एह सरकार में अइसन बड़हन बड़हन घोटाला भइल कि लालूओ के लाज लागत होखी ! आ सरकार हर घोटाला के बड़का नेता के साफ बचा ले जाये में लागल बिया. चाहे ऊ कलमाडी होखसु भा अशोक चह्वाण. दोसरा तरफ घोटाला पर जाँच के माँग करत संसद ना चले देबे खातिर अब भाजपा पर हमलावर होखे जा रहल बिया कांग्रेस. ओकरा लगे येदियुरप्पा के मामिला बा जवन कि अपना पूर्ववर्ती मुख्यमंत्रियन के देखा देखी जमीन आवंटन के घोटाला कर दिहलें. बाकिर ई कवनो बचाव ना हऽ. भाजपा के चाहीं कि येदियुरप्पा के हटा के कांग्रेस के मुँह बन्द कर देव.

बिहार चुनाव के प्रचार थमकल
बिहार विधानसभा चुनाव के आखिरी दौर के मतदान काल्हु होखे वाला बा एहसे काल्हु साँझ से प्रचार बन्द हो गइल. अब हर पार्टी के नेता कुछ दिन आराम कर के फेर रणनीति बनावे में जुटीहें. २६ तारीख के मतगणना होखे वाला बा आ ओह दिन मालूम हो जाई कि बिहार हारल कि जीत गइल. अगर जातिवाद, संप्रदायवाद ना चलल त बिहार जीत गइल आ अगर चल गइल त बिहार हार जाई. फेर बिहार के बचावल मुश्किल हो जाई.

जौनपुर में जहरीली शराब पियला से दू जने मरले
जौनपुर जिला के बकसा थाना इलाका के फतेहगंज बाजार में काल्हु सँझिया एगो सरकारी ठेका के शराब पियला से दू लोग के मौत हो गइल बा आ एक आदमी अस्पताल में भरती करावल गइल बा. जौनपुर के जिलाधिकारी मामिला के जाँच के आदेश दे दिहले बाड़े, दूकान के सील कर दिहल बा, आ लाइसेंसी के हिरासत में ले लिहल गइल बा.

सड़क दुर्घटना में सोरह लोग के मौत
बस्ती जिला के रुधौली थाना के दसिया चौराहा का निकट काल्हु फजीरे एगो बारात ले जा रहल जीप का पलटला से सात जने के मौत हो गइल आ चार जने गम्हीराह घवाहिल हो गइलें. जीप एगो ट्रक से टकरा गइल रहे. बरात जौनपुर के नगरा थाना के रहुवे. जौनपुर में दू गो अलग अलग दुर्घटना में तीन बच्चन के मौत हो गइल. बलिया में जीप पलटला से तीन लोग के मौत हो गइल आ एगारह जने घवाहिल हो गइलें. परसों सँझिया बरेली के फतेहगंज में दू गो मोटरसाइकिल के टक्कर में तीन जने के मौत हो गइल.

घर से भागल लड़की पकड़ाइल
आजु दुपहरिया बलिया के सहतवार से भागल एगो लड़की अपना प्रेमी का गलती से पकड़ में आ गइल. ओकरा के बलिया के एगो नर्सिंग होम में बोलवले रहे ऊ बाकिर लड़की गलती से दोसरा नर्सिंग होम चहुँप गइल. ओहिजा जब पुछताछ कइलस त नर्सिंग होम के कर्मचारियन के संदेह हो गइल. त ओकरा के रोक लिहलें. बहुत पुछला पर ऊ अपना घर के मोबाइल नम्बर दिहलसि त ओह मोबाइल नम्बर पर खबर कर के ओकरा घरवालन के बोलावल गइल. त ऊ आ के ले गइलें. लड़की घर से रुपया गहना ले के भागल रहुवे.

मारीशस के राष्ट्रपति के बिहार यात्रा
काल्हु बिहार दौरा पर आइल मारीशस के राष्ट्रपति अनिरुद्ध जगन्नाथ काल्हु पटना के कई जगहा गइलन. खुदाबख्श लाइब्रेरी आ पटना संग्रहालय ओह में शामिल रहे. बाद में चेम्बर आफ कामर्स में व्यवसायियन के संबोधित करत कहलन कि सुन के निमन लागेला कि भारत आ चीन अब महाशक्ति बनीहें. भारत आ मारीशस के साझा संस्कृति के चरचा करत कहलें कि जबले मारीशस के अस्तित्व रही तबले ओहिजा हिन्दू धर्म आ संस्कृति जिन्दा रही.

नरेन्द्र मोदी के महान आ कुशल नेता बतवली लता जी
लता मंगेशकर ट्विटर पर ट्विट कइले बाड़ी कि नरेन्द्र मोदी बहुते महान आ कुशल नेता हउवें. उनका हाथ से मिलल “ताना रिरि” पुरस्कार पा के बहुते खुश बाड़ी लता मंगेशकर. ताना आ रिरि दू गो बहिन रहली आ दुनु महान गायिका रहली जा. कहल जाला कि एक बेर राग मल्हार गा के तानसेन के जान बचवले रहे ऊ लोग. ताना आ रिरि विद्यानगर के रहली जहाँ के नरेन्द्रो मोदी हउवें. अब एकरा बाद सेकुलर लोग उनकर आलोचना करे लागे त अचरज ना. अमिताभ बच्चन जब गुजरात के पर्यटन बढ़ावे खातिर ओकर ब्रांड अम्बेसडर बनलन त उनको खूब आलोचना भइल रहे.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up