टटका खबर, साँझ छह बजे

by | Aug 2, 2011 | 0 comments

  • नायडू के लैपटॉप येदियुरप्पा तूड़ दिहले वाला खबर झूठ बावे : भाजपा.
  • नाग पंचमी पर सांपन के परेशानी से बचावल जाव : पेटा.
  • रसोई गैस पर जल्दिये प्रत्यक्ष सब्सिडी दिहल जाई : मुखर्जी
  • चीन में मूसलाधार बारिश से 1 लाख लोग परेशानी में.
  • महाराष्ट्र के ठाणे जिला में नगर निगम दफ्तर के सामने मंगल का दिने एगो आदमी आत्मदाह कर लिहलसि.
  • 90 साल के हो गइल दक्षिण अफ्रीकी कम्युनिस्ट पार्टी.
  • चीन में कम्पनियन में काम करे वाला इंटर्न के इस्तेमाल सस्ता श्रम का रूप में कइल जाला आ ओकनी के पढ़ाई वाला क्षेत्र में काम के अनुभव ना दिहल जाव.
  • कलमाडी के नियुक्ति खातिर राजग सरकार के जिम्मेदार बतवलन अजय माकन
  • सर्वोच्च न्यायालय मंगल का दिने कहलसि कि नर्मदा के नहर नेटवर्क से प्रभावित लोग, नदी पर बनल बांध का चलते विस्थापित भइल लोग के मिले वाला राहत आ पुनर्वास पैकेज के समान पैकेज के हकदार नइखन.
  • इंडोनेशिया में सजधज के शादी करे चहुँपल दूल्हा से दुल्हिन शादी करे से इन्कार कर दिहलसि काहे कि दुल्हा असल में लड़िकी रहल जवना के दुल्हिन चिन्हत रहे.
  • नेपाली प्रधानमंत्री झलनाथ खनाल माओवादियों का समर्थन वापसी के खतरे से बच गइले बाकिर 13 अगस्त के उनुका फेरू एगो अग्नि परीक्षा से गुजरे के बा.
  • मध्यप्रदेश के सतना में पुलिस शिविर से डकैत राइफले लूट लिहले. 6 गो जवान निलम्बित.
  • 8.2 फीसदी विकास दर निराशाजनक ना कहल जा सके : प्रणव मुखर्जी.
  • भ्रष्टाचार निरोधक निदेशालय के छापेमारी के बाद तमिलनाडु के अतिरिक्त पुलिस महानिदेशक एम. एस. जफर सैत के निलम्बित कर दिहल गइल.
  • अनिश्चितता अउर कमजोर आंकड़ा से अमेरिकी शेयर बाजार में गिरावट.
  • बीकानेर में मिग-21 गिरल, युद्ध कला में माहिर पायलट के मौत.
  • देश के शेयर बाजारन में मंगल का दिने गिरावट के रुख रहल.
  • भाजपा मजबूत लोकपाल विधेयक चाहतिया जवना का प्रधानमंत्रीओ के पद रहे.
  • बेनजीर हत्या के अभियुक्त स्कूली परीक्षा में तीसरा स्थान लिहलसि.
  • ऑनलाइन गेम खेले वालन के एह लत से बचावे खातिर चीन राष्ट्रव्यापी मुहीम शुरू करी.
  • कालाजार का बारे में बिहार के स्कूलन में पढ़ावल जाई.
  • बजाज ऑटो के बिक्री जुलाई में 14 फीसदी बढ़ल.
  • गौतम गंभीर चोट से उबर के अब तीसरा टेस्ट मैच में खेलीहें.
  • बहराइच के एगो सरकारी स्कूल के प्रधानाचार्य के पिटाई से तीन गो छात्र अस्पताल में भरती.
  • भारतीय टीम में जीत के भूख कम हो गइल बा : कहलन गावस्कर.
  • अलगाववादी नेता सैयद अली शाह गिलानी आ मीरवाइज उमर फारूक के मंगलवार का दिने घर में नजरबंद कर दिहल गइल.
  • युगांडा में एगो चिम्पांजी के 2 करोड़ साल पुरान खोपड़ी मिलल.
  • साजिश करे वालन का साथ ना खेलब : अफरीदी.
  • वीडियोकॉन जालसाजी करके 2जी लाइसेंस लिहलसि : बलवा.
  • हंगामा का चलते संसद बुध ले लिए स्थगित.
  • आतंकवाद का खिलाफ लड़ाई में वाशिंगटन आ इस्लामाबाद का बीच के रिश्ता साफ होखे के चाहीं जेहसे टकराव ना होखे जरदारी.
  • तिब्बत में मंगल का दिने भूकम्प के झटका महसूस भइल.
  • अबकी रक्षा बंधन पर तीन दिन के सरकारी छूट्टी.
  • बिहार के रोहतास जिला में कम-से-कम छह गांव के लोग नक्सलियन का डरे पराइल. एकाध घर में त बस औरते बाचल बाड़ी.
  • राष्ट्रमंडल खेल घोटाला : तीन गो फरार प्रोमोटरन के अंतरिम जमानत याचिका खारिज.
  • राहुल द्रविड़ अंतर्राष्ट्रीय क्रिकेट परिषद (आईसीसी) के रैंकिंग में चार पायदान ऊपर चढ़ के एगारहवां स्थान पर.
  • छत्तीसगढ़ का बस्तर जिला में तेंदुआ के खाल का साथ दू गो तस्कर गिरफ्तार.
  • बॉलीवुड तारिका लारा दत्ता के गोड़ भारी भइल. महतारी बने जा रहल लारा के अभिषेक बच्चन बधाई दिहले.
  • उत्तर प्रदेश में घाघरा नदी कोहराम मचवलसि. एल्गिन-चरसारी तटबंध टूटला का बाद 50 गो से बेसी गाँवन में हाहाकार.< /li>
  • बुध का दिने इंग्लैंड जइहें सहवाग. तिसरका टेस्ट में खेले के उमेद.
  • अपना आमदनी से बेसी खरच करे वाला अमेरिका वैश्विक अर्थव्यवस्था के परजीवी ह : पुतिन.
  • भूमि अधिग्रहण विधेयक ले आवे ला सरकार पर दबाव बनाई बसपा.
  • इंग्लैंड क्रिकेट टीम के पूर्व विकेट कीपर बल्लेबाज पॉल निक्सन पेशेवर क्रिकेट से संन्यास लिहले.
  • कवनो भारतीय चैनल के लाइसेंस नइखे दिआइल : पाकिस्तानी मंत्री.
  • अब खजुराहो के मंदिरों का बारे में देश आ विदेश के पर्यटक अपना भाषा में जान सकेले. आडियो गाइड सेवा शुरु.
  • लीबियाई शासक मुअम्मार गद्दाफी अमेरिका आ ब्रिटेन में आपन छवि सुधारे वाला कुशल जनसम्पर्क पेशेवर खोजत बाड़न.
  • वृत्तचित्र फिल्म में अभिनय करीहे रूस के प्रधानमंत्री व्लादिमीर पुतिन.
  • अंतरंग दृश्य देते हुए असहज महसूस किया : माही
  • अभिनेत्री माही गिल के कहना बा कि फिलिम के यथार्थवदी होत गइला से अंतरंगो दृश्य देबे पड़ेला. बाकिर ‘देव डी’ आ ‘नॉट ए लव स्टोरी’ में अंतरंग दृश्य दे चुकल माही ओह घरी अपना के असहज बुझेली.
  • पाकिस्तानी राष्ट्रीय टीम में वापसी कर सकेले अफरीदी
  • ‘सिंघम’ फिल्म के अभिनेत्री काजल अग्रवाल सोमार का दिने भारतीय अंतर्राष्ट्रीय ज्यूलरी सप्ताह (आईआईजेडब्ल्यू) में रैम्प पर उतरली.
  • चित्रकूट में एगो तेज रफ्तार बस एगो वैन के टक्कर मार दिहलसि जवना से वैन पर पांचो लोग के मौत हो गइल.
  • पाकिस्तानी टीम के मुख्य चयनकर्ता मोहसिन खान हरफनमौला खिलाड़ी अब्दुल रज्जाक के आरोप के खंडन कइले बाड़न कि पाकिस्तान क्रिकेट बोर्ड पक्षपात करेले.
  • राष्ट्रपति बराक ओबामा आ कांग्रेस के नेता लोग का बीच बनल सहमति का बाद सरकारी कर्ज के सीमा बढ़ावे वाला विधेयक अमेरिका के निचला सदन में पारित हो गइल.
  • बिहार के औरंगाबाद जिला के बड़की सलैया टीसन सोमार का रात करीब अढ़ाई घंटाले बवालियन का कब्जा में रहल.
  • विश्व की पूर्व शीर्ष वरीयता प्राप्त रूसी महिला टेनिस खिलाड़ी दिनारा सफीना शायद अमेरिकी ओपन ग्रैंड स्लैम में पीठ दर्द का चलते ना खेलीहे.
  • बिहार के बांका जिला के बेलहर थाना इलाका में नक्सली बदमाश सोमार का राते दू आदमी के मार दिहले.
  • जर्मनी के टेनिस खिलाड़ी फिलिप कोश्रेयबर शानदार जीत दर्ज कर के एटीपी आस्ट्रियन ओपन टूर्नामेंट के दूसरा दौर में आ गंइल बाड़न.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 12 गो भामाशाहन से कुल मिला के छह हजार आठ सौ सतासी रुपिया के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up