बिहार के मुख्यमंत्री रह चुकल राबड़ी देवी आजु फेरु कहली कि उनका पति आ :राजद:अध्यक्ष लालू प्रसाद यादव के साजिश का तहत चारा घोटाला मे फंसाके सजा दिआवल गइल बा. बाकिर ऊ जनता का नजर में हीरो हउवे आ आगहू हीरो रहीहें.
राबड़ी देवी के कहना रहल कि लालू का खिलाफ चारा घोटाला मे ना त कवनो सबूत बा ना कवनो गवाह. जब सीबीआई छापा मरले रहुवे ओहु दिन ओकरा कुछ ना मिलल रहे. कहली कि एह फैसला के उपर के अदालत में चुनौती दिहल जाई साथही जनता के अदालत जा के एह साजिश के परदाफाश करावल जाई. राबड़ी पूरा भरोसा जतवली कि उनुका न्याय मिली.
राबड़ी देवी मौजूदा मुख्यमंत्री नीतीश कुमार पर चारा घोटाला मे सनाइल होखे आ लालू यादव के राजनीति षड़यंत्र क के तहत फंसावे के आरोप लगावत कहली कि नीतीश कुमार चारा घोटाला मे करोड़ो रूपिया लिहले बाड़े आ एह बात के सबूतो बा आ गवाहो. बाकिर बिना सबूत आ बिना गवाह वाला लालू के फँसा दीहल गइल.
(वार्ता)
0 Comments