पूर्वांचल गौरव, भोजपुरी लोकगीत आ देवीगीत गायन के स्तम्भ आ जौनपुर के पावन माटी के लाल गायक अभिनेता राकेश पाठक के पिछला मंगल २३ अक्टूबर के निधन हो गइल. चालीस साल के राकेश पाठक पीलिया आ मलेरिया से पीड़ित रहलें आ बनारस के एगो प्राइवेट अस्पताल में इलाज चलत रहुवे.

राकेश पाठक के निधन से समूचा भोजपुरिया समाज मर्माहत बा.

दिवंगत राकेश पाठक के गवनई के धूम मारीशस आ सूरीनाम ले पसरल रहुवे. राकेश के अनेके विडियो अलबम निकल चुकल रहे आ ऊ टी॰ सीरीज, चंदा वगैरह म्यूजिक कम्पनिअनो ला गवले रहलम. उनकर अलबम *चुनरिया ओढ़ के* उत्तर प्रदेश आ बिहार में अबही हालही में धूम मचवले बा. उनके हीत मीत विनय वर्मा, चन्दन सेठ, रामचन्द्र यादव समेत बहुते लोग आपन दुख जतवले बा.

भगवान राकेश पाठ के आत्मा के शांति देसु आ परिवार के ई दुख सहे के ताकत.


(अपना न्यूज़)

Advertisements

This site uses Akismet to reduce spam. Learn how your comment data is processed.