kundan-musicबिहार के छपरा ज़िले में शुरू भइल संगीत कम्पनी ’कुंदन म्यूजिक एंटरटेन्मेंट’ पिछला दिने आपन पहिला म्यूजिक वीडियो अलबम जारी कइलसि. एह अलबम में कविराज के लिखल आ अनिल हजारिया के संगीतबद्ध कइल आठ गो गीत बा. वीडियो डायरेक्टर संतोष के. वर्मा आ निर्माता हउवें जय किशोर सिंह.

एह अलबम के गीत अनूप जलोटा, साधना सरगम, विनोद राठौड़, ऋतु पाठक वगैरह का आवाज में बा. बतावल जात बा कि एह अलबम क बाद दू गो अउर म्यूजिक अलबम जारी होखे वाला बा जवना के गायक रहीहें जावेद अली आ साहिल रेयान. कुंदन म्यूजिक एंटरटेन्मेंट हिन्दी, भोजपुरी आ मराठी अलबम बनाई. साथही आगे चल के फिलिमो बनावे के काम करी कंपनी. पहिला फिलिम भोजपुरी में बनी जवना के एलान जल्दिए होखे वाला बा.

जय किशोर सिंह के एह म्यूजिक कम्पनी के व्यवस्थापक बाड़ें निर्देशक संतोष के. वर्मा.


(संजय भूषण पटियाला)

By Editor

कुछ त कहीं...

This site uses Akismet to reduce spam. Learn how your comment data is processed.