पिछला तीन साल से तइयारी में लागल भोजपुरी फिल्म चंदा सूरज के गीतन के रिकार्डिग के काम मुंबई के एम फॉर यू रिकार्डिंग सेन्टर, लोखन्डवाला में रिकार्डिस्ट प्रवीर सरकार का देखरेख में चल रहल बा. लॉर्ड शिवा क्रिएशन्स के प्रस्तुति एह फिल्म के निर्माता आ निर्देशक हउवे कुमार. एह फिल्म का कलाकारन में मुंबई के सुपरिचित रंगकर्मी धर्मेन्द्र खरवार का साथ साथ के॰ उल्हास, विनोद तिवारी, उत्तम झा, अमरदेव बहुगुणा आ रणजीत बच्चन के नाम खास बा.
कपिलदेव खरवार के लिखल कहानी के संवाद लिखत बाड़े गोपाल, नृत्य निर्देशन करीहे कानू मुखर्जी, कैमरा मैन होखीहे सुनील वानखेडे. कपिलदेव खरवार एह फिल्म के नौ गो गीतो लिखले बाड़न, जबकि दू गो गीत प्रेमनारायन मिश्रा के लिखल बा. संगीतकार हउवें मुंबई के श्रद्धा संगीत विद्यालय के संगीत गुरू विजय देसाई.
(स्रोत – कपिलदेव खरवार)
You must log in to post a comment.