भोजपुरी देखनिहारन के अगर भोजपुरी सिनेमा में सबले बढ़िया कुछ लागेला त ऊ हवे एह फिलिमन के मसाला. निर्माता अनुज कुमार अपना फिल्म निर्माण कंपनी ए. एस. पिक्चर्स इंटरटेनमेंट के बैनर तले भोजपुरी मसालन से सजावल फिल्म ‘‘मेहरारू बिना रतिया कइसे कटी’’ के निर्माण कइले बाड़न. अनुज के साफ कहना बा कि ई फिलिम एगो खाँटी व्यावसायिक फिलिम ह जवना में दर्शकन के सुपरहिट गीत, संगीत आ मसाला भरल फिल्म देखे के मिली. एकर निर्देशन नवोदित निर्देशक अजय एस. झा का जिम्मे बा.

एह फिल्म में भोजपुरी सिनेमा के उभरते सितारा कुँवर विक्रांत, मोनालिसा, आलोक कुमार, प्रकाश अवस्थी, अंजली, कोमल ढिल्लन, आनंद मोहन, अनुप अरोड़ा, विपीन सिंह, अन्नू सिंह, प्रमोद गोस्वामी अउर हीरालाल यादव के खास भूमिका बा. गीत हवे अरविंद तिवारी के आ संगीत अमन श्लोक के. कार्यकारी निर्माता हउवन महेश उपाध्याय.

फिल्म में विक्रांत, मोनालिसा आ कोमल ढिल्लन पर बहुते हॉट दृश्य फिल्मावल गइल बा. आजुकाल्हु एकर पोस्ट प्रोडक्शन के काम मुंबई में जोर-शोर से चलत बा.


(प्रशांत निशांत के रपट)

Advertisements

This site uses Akismet to reduce spam. Learn how your comment data is processed.