सिनेमा भोजपुरी के रियल रंगबाज हैदर काजमी अब ‘दीवानगी’ देखइहें. हैदर काजमी हाल ही में एगो नया फिलिम साइन कइले बाड़न जवना के नाम ह ‘दीवानगी’. एह फिल्म के निर्माण आर.डी.आर. क्रियेशन के बैनर तले निर्देशक रमाशंकर करत बाड़ें. दीपक जैन के प्रस्तुति एह फिल्म में पहिला बेर रियल रंगबाज हैदर काजमी आ नंबर वन खलनायक संजय पांडे आपन आपन जलवा देखावत नज़र अइहें.
चुनिए चान के फिलिम सकारे वाला हैदर काजमी के एह फिलिम के कहानी बहुते पसंद आइल बा. एकरा अलावे हैदर काजमी के फिलिमन में ‘कालिया’, ‘बिगुल’, ‘आजमगढ़ के कट्टा’, आ ‘जागीरा’ के नाम बा. जबरदस्त एक्शन से भरल ‘दीवानगी’ में हैदर काजमी के नायिका बाड़ी ऋतिका शर्मा आ साथ में बाड़ें नवोदित जमाल खान, संजय वर्मा, हीरालाल यादव अउर संजय पांडे।
(शशिकांत सिंह रंजन सिन्हा के रपट)