जी-9 इंटनेटमेंट का बैनर तले बनत फिल्म ‘‘दिल तोहरे प्यार में पागल हो गईल’’ के पोस्ट प्रोडक्शन पूरा हो गइल आ अब फिलिम के होली का मौका पर बिहार में रिलीज कइल जाई. फिल्म के निर्माता कमलेश यादव आ निर्देशक इकबाल बख्श हउवे.

‘निरहुआ रिक्शावाला’ से चर्चित कॉमेडियन मनोज सिंह ’टाईगर’ (बताशा चाचा) लमहर अरसा बाद अब निरहुआ का साथे ना बलुक सोम यादव का जोड़ी में आपन पुरान ईयाद ताजा करे आवत बाड़े. बताशा चाचा के ई दुसरकी फिलिम होखी जवना के देख के दर्शक हंसत-हंसत लोट-पोट हो जइहें. फिल्म एक्शन कॉमेडी रोमांस से भरपूर बा. फिल्म के बाकी किरदारन में अनारा गुप्ता, अवधेश मिश्रा, गोपाल रॉय, अयाज खान, रणधीर सिंह, रितु पाण्डेय, सिकन्दर खान, काजल निषाध के नाम लिहल जा सकेला. फिल्म के संगीत विनय बिहारी, आबिद जमाल, समीर सेन आ विवेक अस्थाना के बा त गीत विनय बिहारी आ जितेन्द्र यादव के लिखल, कथा पटकथा संवाद रमेश मिश्रा के लिखल, नृत्य निर्देशन दिलीप मिस्त्री के, छायांकन अरूण हाजरा के, मारधाड़ निर्देशन शकील शेख के बा.


(दिनेश यादव के रपट)

By Editor

कुछ त कहीं...

This site uses Akismet to reduce spam. Learn how your comment data is processed.