भोजपुरी फिल्मन के भविष्य बढ़िया बा, कहली पायल सेठ

बिहार के सिवान जिला के हथुआ मीरगंज के रहे वाली. उत्तर प्रदेश के जौनपुर में पढ़ल लिखल अर्चना सोनी उर्फ पायल सेठ बचपने से सांस्कृतिक कार्यक्रमन में शामिल रहत रहली. अब पायल सेठ निर्देशक अरविंद चौबे के फिल्म “होत बा जवानी अब जीयान ए राजा जी” में एगो गँवई लड़िकी के किरदार कइले बाड़ी. एह हिट फिल्म के सफलता के श्रेय पायल फिल्म के निर्माता-निर्देशक, टेक्निशियन आ सबले बेसी ओह दर्शकन के देबेली जे एकरा के हिट करावल. भोजपुरी सिनेमा का बारे में पायल के कहना बा कि भोजपुरी सिनेमा के भविष्य बहुते बढ़िया बा आ अबही एकरा बहुते आगा जाये के बा. उम्मीद जतवली कि नामचीन आ गंभीर विषय पर फिलिम बनावहु वाला फिल्मकार भोजपुरी सिनेमा से जुड़ीहें.

पायल सेठ के हिन्दी फिल्म “राखी की कसम” आ “शादी का लोन” रिलीज होखे वाला बा.

(स्रोत : संजय भूषण पटियाला )