आमिर खान के मशहूर फिल्म गुलाम का बाद अब भोजपुरिओ में गुलाम बनावल जा रहल बा. भोजपुरी फिल्म गुलाम के कहानी अपने देश के दुश्मन बनल नक्सलियन माओवादियन समेत सामंती व्यवस्थो के निशाना पर लिहल जाई. फिल्म के निर्माण शंभू पांडे प्रोडक्शन का बैनर में हो रहल बा आ निर्देशित करत बाड़े रामपाल सिंह. फिल्म के प्रस्तुत करीहे मोहनदास.

पिछला दिने फिल्म के मुहुर्त शॉट सुपर स्टार विनय आनन्द आ खलनायक संजय पाण्डे पर लिहल गइल. ताली का गड़गड़ाहत का बीचे मशहूर निर्देशक राजकुमार पाण्डे स्टेज ओपन कइलन. साँवरिया आई लव यू का बाद शंभू पाण्डे आ विनय आनन्द के जोड़ी फेर एक साथ काम कर रहल बा. फिल्म में विनय आनन्द का साथे रानी चटर्जी, मोनालिसा, कल्पना शाह, संजय पाण्डे, अवधेश मिश्रा, नीरज भारद्वाज, आ अली खान के मुख्य भूमिका बा.


(स्रोत : शशिकान्त सिंह)

Advertisements