छठ पर रिलीज होखे जा रहल बा निरहुआ के लोफर

अबकी का छठ पर्व का पावन मौका पर भोजपुरी सिनेमा के बादशाह सितारा दिनेश लाल यादव निरहुआ के फिल्म “लोफर” रिलीज होखे जा रहल बा. मोनिका सिंह के निर्माण आ संजय सिन्हा के प्रस्तुति “लोफर” के निर्देशन रवि सिन्हा कइले बाड़े. रवि सिन्हा के निर्देशित “भोजपुरिया डॉन” आजुकाल्हु चारो ओर गरदा उड़वले बा.

“लोफर” में दिनेश लाल यादव के नायिका पाखी हेगडे आ सेक्सी बाला मोनालिसा बाड़ी. फिल्म के गीत पहिलही सुपर हिट हो चुकल बाड़े सँ. एह हाई वोल्टेज फिल्म के खलनायक अवधेश मिश्रा बाड़े. निरहुआ एह फिल्म में दू गो रोल में बाड़े आ एह चलते ऊ डबल उत्साहो में बाड़े.

निरहुआ के कहना बा कि “लोफर” में दर्शक भरपूर मसालेदार फिल्म देखीहें. निर्मात्री मोनिका सिन्हा के भरोसा बा कि दर्शकन के एह फिल्म से भरपूर मनोरंजन होखी.

त चलीं अबकी का छठ पर निरहुआ, पाखी, आ मोनालिसा के लोफरई देखल जाव.

स्रोत शशिकान्त सिंह

Advertisements

2 Comments

  1. bhojpuri ko bhool sake na dunia
    is tarah dil me sama jaiye
    hindi ki remake dikhana chhodiye
    kuchh naya bhojpuri me dikha jaiye

    thanks to all people of bhojpuri cinema

Comments are closed.