PakhiHegde-polkadotsसिनेमा भोजपुरी के सुपरस्टार नायिका पाखी हेगड़े हाल ही में दू गो नया फिलिम साईन कइले बाड़ी. एगो फिलिम ह सी. पी. आई. मूवीज (सुजीत तिवारी) के परोसल आ सी. बी. वर्मा के बनावल जगदीश शर्मा निर्देशित फिलिम ‘‘जानी दुश्मन’’ जवना में पाखी पवन सिंह आ सुशील सिंह संगे बाड़ी. आ दोसरकी फिलिम ह ‘‘निरहुआ रिक्शावाला’’ फेम निर्देशक के. डी. के ‘‘नारी पाप निवारणी’’.

बतावल जात बा कि दुनु फिलिम जल्दिए फ्लोर पर जइहें सँ. तबले पाखी हेगडे के ‘‘प्यार मोहब्बत जिन्दाबाद’’, ‘‘हंटरवाली’’ आ मराठी फिलिम ‘‘गुलाबी’’ अउर ‘‘बातमी’’ प्रदर्शित होखे ला तइयार बाड़ी सँ.


(प्रशांत निशांत)

Advertisements