सुरसंग्राम विजेता रहल मोहन राठौर दोसर बिआह करे का फेर में.

भोजपुरी गायक मोहन राठौर के मेहरारू प्रशासन से गोहार लगवले बाड़ी कि उनुका मरद के दोसर बिआह करे से रोकल जाव. अपना प्रार्थना पत्र में मोहन राठौर के पत्नी निर्मला लिखले बाड़ी कि कुछ दिन पहिले मोहन उनुका से दोसर बिआह करे के अनुमति माँग उनकर सुख चैन छीन लिहले बाड़न. लिखले बाड़ी कि मोहन के अपना तीन गो बेटियनो के कवनो चिंता नइखे आ दिल्ली में उ दोसर बिआह कइल चाहत बाड़न. एह ला मोहन बेर बेर उनुका पर दबाव डालत बाड़न.