भोजपुरी टीवी चैनल महुआ टीवी पर हर शनिचर साँझ साढ़े छह बजे से एगो अइसन कार्यक्रम प्रसारित कइल जाले जवन लीक से हट के बा. भागदौड़ वाली जिनिगी में राहत के सुकून देबे वाला एह कार्यक्रम के नाम हऽ खरकट न्यूज. समाचार प्रस्तुति का अंदाज में न्यूजरीडर सलीम आ अनारकली के जोड़ी एह कार्यक्रम में समाचार का तह में ना जा के ओकर सतही तरीका से विश्लेषण पेश करेले. आ एकरा माध्यम से समाचार का बहाने दर्शकन के भरपूर मनोरंजन मिल जाला.


खरकट न्यूज में बहुचर्चित लोग के एह तरह से चित्रण कइल जाला कि रउरा हँसत हँसत लोटपोट हो जाईं. अतने ना समाज में होखे वाला कई घटना के खबर कुमार लैला एह अंदाज में पेश करेली कि ओह समस्या पर चुटीला व्यंगो हो जाव आ घटना के एगो नया एंगल से देखे के मौको मिलो.


(स्रोत : प्रशान्त निशान्त)

5 thoughts on “लीक से हट के एगो नया प्रोग्राम खरकट न्यूज”

Comments are closed.

%d bloggers like this: