अत्याचारन के बदला लीहें आज के करण अर्जुन

by | Apr 13, 2010 | 0 comments

भोजपुरी किंग दिनेश लाल यादव निरहुआ आ जूनियर निरहुआ प्रवेशलाल यादव पाखी अभिनीत मल्टीस्टारर फिल्म आज के करण अर्जुन अब बिहार झारखण्ड के थियेटर में दस्तक देबे खातिर तइयार बा. कैपिटल फिल्म्स आ यशी फिल्म्स के संयुक्त प्रस्तुति एह फिल्म में दू गो भाईयन का उपर भइल अत्याचार आ क्रूरता के बदला लेबे के कहानी बा. मशहूर निर्माता जोड़ी भोजपुरी के अभय सिन्हा आ हिन्दी के टीपी अग्रवाल के बनावल एह फिल्म के निर्देशन हैरी फर्नाण्डिज कइले बाड़न.
Pravesh, Nilima Singh, and Dinesh in Aaj Ke Karan Arjun
आज के करण अर्जुन कहानी ह शकुंतला देवी नीलिमा सिंह आ रामजी किरण कुमार के परिवार के. सुल्तानपुर के किसान रामजी सिंह आ उनका सात साल के बेटा के मौत रेलवे क्रासिंग पर ट्रेन एक्सीडेंट में हो जाता. बाकिर सच्चाई त ई बा कि गाँव के जमींदार आ ओकर मुनीम मिल के रामजी सिंह के हत्या करत बाड़े आ ओकरा के दुर्घटना के रुप दे दिहल जात बा. ई राज ओह घरी ले बनल रहत बा जब रामजी के दूसरका बेटा अर्जुन प्रवेशलाल शहर नइखे चल जात. ऊ शहर में पढ़ाई करत बा आ ओहिजे ओकर मुलाकात कालेजे के एगो दोसर छात्र विजय दिनेशलाल से होत बा. विजय सुनीता पाखी से प्यार करत बा बाकिर सुनीता के घरवालन के ई रिश्ता पसन्द नइखे. अर्जुन के प्यार चंदा कृशा से चलत बा जे एगो वकील के बेटी हिय. अर्जुन आ चंदा मिल के विजय आ सुनीता के मिलवावे में मदद करत बाड़े. एही बीचे एक दिन अइसन अनहोनी होत बा कि दुनु अर्जुन आ विजय खून का रिश्ता में बँध जात बाड़े.

आखिर विजय के हऽ? करण से ओकर का संबंध? अर्जुन के भाई करण आ पिता के मौत के राज का हऽ? का अभागी शकुंतला के ओकर दुनु बेटा मिलत बाड़े? फेर जमींदार के अंत कइसे होत बा? एह सब सवालन के जवाब रउरा सिनेमे हाल में जा के मिली.

देखेवालन के फिल्म में जहाँ दिनेश पाखी आ प्रवेश कृशा के रोमांटिक जोड़ी देखे के मिली ओहिजे दिनेश प्रवेश के हैरत अंगेज सीन आ कमाल के मारधाड़ो देखे के मिली. पिता के भूमिका में किरण कुमार आ महतारी का भूमिका में नीलिमा सिंह मजगर भूमिका निबहले बा लोग. खलनायक जमींदार का भूमिका में टीनू वर्मा के क्रूर रुप देखे के मिली. बाकी कलाकारन में गूफी पेंटल, अनूप अरोड़ा, सूर्या, पुष्पा वर्मा, सुदेश कौल, छाया वर्मा, दीपक सिन्हा, मास्टर आदित्य सिंन्हा, मास्टर अलन फर्नाण्डिज, आ सीमा सिंह बावे लोग.


(स्रोत : प्रशान्त निशान्त)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up