आधा अल्पसंख्यकन के मुकदमा कवना कोर्ट में सुनल जाई?

by | Mar 25, 2013 | 0 comments

भउजी हो!

का बबुआ?

अबकी त लागत बा कि होली के हत्या हो गइल.

काहे बबुआ?

देखतानी कि फगुआ के दू चार गो दिन रहि गइल बा बाकिर कतहूँ केहू का देंहि पर रंग नइखे लउकत.

हो सकेला कि लोग महाराष्ट्र का सूखा का चलते एह साल होली पर रंग ना खेलत होखे.

ना. कूछ अउर बात होखी.

हो सकेला कि नारी विरोधी अत्याचार वाला कानून से डेरात होखे लोग.

हँ भउजी, साँच कहऽ त हमरो डर लागऽता भउजाईयन भा साली सरहजन से फगुआ खेले में. का पता कब के कवनो मुकदमा लेके ठाड़ हो जाव.

अतना डेरइला के जरूरत नइखे बबुआ. सरहजन का बारे में त नइखी जानत बाकिर भउजाई आ साली मुकदमा ना करीहें सँ. बाकिर करिए दी केहू त डेरइला के कवन बात?

एह से कि भउजी हम हईं हिंदू आ हमरा मुकदमा खातिर त सरकार अलगा कोर्ट बनाई ना जइसे कि ऊ अल्पसंख्यकन ला बनावे जात बिया.

एह पर एगो सवाल हमरो मन में उठत बा बबुआ.

का भउजी?

आधा अल्पसंख्यकन के मुकदमा कवना कोर्ट में सुनल जाई?

आधा अल्पसंख्यक! ई का होला भउजी?

अरे जेकर बाप महतारी दुनु अल्पसंख्यक से त पूरा अल्पसंख्यक भइल बाकिर जेकर बाप भा महतारी में से एगो हिन्दू रहल त ऊ आधा अल्पसंख्यक भइल कि ना?

से त बा भउजी. बाकिर आधा चउथाई हिंदू होखसु त होखसु अल्पसंख्यक हमेशा पूरा होलें. देखत नइखू कि एगो आतंकवादी के गिरफ्तार कइला का चलते दिल्ली पुलिस के कठघरा में खड़ा कइल जात बा. काश्मीर में पुलिस का हाथ से हथियार हटा के लाठी थमा दिआता. पंचायत सदस्यन के सुरक्षा करे ला पइसा नइखे काश्मीर सरकार का लगे बाकिर अलगाववादियन के सुरक्षा पर करोड़ो के खरचा कम लागत बा.

चलीं आजु रउरा जीतनी. लीं गुझिया खाईं. रउरा ला पहिलहीं से बना के रखले रहनी ह.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up