आ चल निकलल रूपा सिंह के सिक्का

by | Apr 26, 2011 | 0 comments

रूपा सिंह रूप लावण्य से भरल एगो नौजवान औरते के नाम ना ह बलुक ओह कलाकार के नाम ह जे अभिनय के बस नाम अउर दाम कमाए के जरिये भर ना बूझसु. ऊ एकरा के कलाधर्मिता कहेली. पटना रंगमंच से बरिसन तक जुड़ल रूपा सिंह पटना दूरदर्शन की चर्चित अभिनेत्रियन में गिनल जाली. समाचार वाचिका का रूप में आपन टीवी कैरियर शुरू कइला का बाद रूपा सिंह पटना दूरदर्शन पर “दास्तान ए जुर्म” के एंकरिंगो कइली आ एहिजे से उनुकर गाड़ी चल पड़ल. फेर त “चुटकी भर सेनुर” आ मैथिली में “नैन न तृप्त भयल” जइसन धारावाहिकन आपन मौजुदगी दर्ज करवली. पटना में रहते रूपा सिंह प्रांतीय स्तर तक ख्याति पा लिहली. बाद में उनुकर प्रतिभा देख के भोजपुरी फिल्म निर्मातो आ गइलन आ देखते-देखत पटने से रूपा रानी दर्जनभर फिल्म कर लिहली. “बी.ए. पास बहुरिया”, “धरमवीर”, “विदाई”, “सजन परदेसिया”, “धरती के लाल”, “लक्ष्मी जइसन दुलहिन हमार”, “गोरी तेरा गांव बड़ा प्यारा”, “विवाह” अउर मैथिली में “आपन गाम आपन देस” जइसन फिलिम उनुका खाता में अइली सँ. रूपा पहिला बेर मुंबई आईल रही “लक्ष्मी जइसन दुलहिन हमार” का शूटिंग खातिर. एस्सेल स्टूडियो, ट्राम्बे में रूपा के सामना मुंबईया तकनीशियन आ पत्रकारन से पहिला बेर भइल रहे.

रूपा सिंह ना सिर्फ रूपे रंग आ बात व्यवहार में नीक आ शालीन हई बलुक उनुका में अभिनयो प्रतिभा कूट कूट के भराइल बा. उनकर प्रतिभा सागर आर्ट्स के भोजपुरी धारावाहिक “जय जय शिवशंकर” में रउरा महुआ टीवी पर देख सकीलें. एह धारावाहिक में विजी का रूप में रूपा सिंह साचहु बहुते बिजी बाड़ी. एह धारावाहिक का चलते रूपा सिंह के मुंबई प्रवास करे के पड़ल बाकिर भोजपुरी फिल्मन से नाता बनल रहल. मुंबई अइला उनुका महज चारे महीना बीतल बा आ तीन गो फिल्म बन के तइयार हो गइल बा – पापी के पाप काहे गंगा धोये, नंदू निकम्मा, अउर कलुआ-बुधुआ. पापी… में त रूपा सिंह अपना व्यक्तित्व का उलटा एगो निखालिस नकारात्मक भूमिका निभवले बाड़ी, जय-जय… का विजी से बिल्कुल उलट. रेखा के दिवानी रूपा “पार” के शबाना वाली भूमिका करे के चाह रखले बाड़ी. देखल जाव उनुकर ई आस कब आ कइसे पूरा होखत बा. तब ले गुडलक फॉर जय-जय शिवशंकर एंड ब्रेवो फॉर पापी के पाप…


(स्रोत – उमेश सिंह चन्देल)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up